يوم الاحد 2 ديسمبر2007
في اليوم ده فاز البحث الي كنت مقدماه عن اطفال الشوارع بالمركز الثالث وقيمة الجايزة 55 جنية كنت متوفعه اني هاخد المر كز الاول لاني تعبت في البحث دة اوي كنت شغاله في من السنه الي فاتت كنت بعمله كدة بحث شخصي احتفظ بيه لنفسي او لو جتلي فرصة انشرة في اي جريدة وفي يوم سها صاحبتي قالتلي ان في الكلية طالبين بحث عن اطفال الشوارع وعليه جوايز لاحسن بحوث فرحت اوي ان خلاص البحث الي عملته هيظهر للنور وقدمتة والحمد لله فاز
سها:ازيك يا بنتي عاملة اية
انا: تمام الحمد لله
سها:مبرووووووك بحثك اخد المركز الثالث على مستوى الكلية
انا: بجد
سها:اه والله هتخدي 55 جنية ابقى عدي على رعاية الطلاب خديهم يوم الاربع
انا: ماشي بس مش هينفع الاربع لاني عندي فرح مش جاية الكلية
سها :خلاص خليها السبت
انا:اوك
******************
انا:بسمه البحث بتاعي اخد المركز التالت وهيدوني 55 جنية
بسمة: دعم ولا اية
انا: دعم اية يا هبلة دي جايزة
بسمة:ااااااااااه مبرووووك ياض
انا:الله يبارك فيكي
ايناس:هو انتي ديما كدة مش راحمة نفسك في الاتحاد نلاقيكي، مجلة في الكلية نلاقيكي شغالة
انا: يا بنتي والله بتيجي بالصدفة وبعدين بسلي نفسي
********************
بعد المحاضرة روحنا نفطر في الكافيتريا المفضلة بتاعتنا
ومفضلة عشان هي كافتيرا للبنات بس
انا وبسمة وايناس وسمر
ايناس: انا هروح مع سمر ننسخ السي دي عشان البحث بتاع الدكتور
انا :اوك اطلبلك حاجة على ماتيجي
ايناس: اه واحد كبدة و بطاطس وبيبسي
انا:اوك وانتي ياسمر
سمر:برجر
انا :اوك
بسمة :انا هطلع اعمل تليفون واجي
انا : اوك
بسمة: جت
بسمة: مالك ياض
انا: مفيش
بسمة: لاء في مالك
انا : مفيش يا بنتي
بسمة:انا مش عوزاكي تفضلي كدة فكي مفيش حاجة تستاهل
انا: ربنا يسهل
بسمة: يا بنتي احنا لسة عندنا 19 سنة استمتعي بحياتك لسة الدنيا هتخبط فينا
انا: اوك
وبعد ما اكلنا حصلت حاجة مكنتش اتوقعها
*************
ايدي وسمر ا وهبة جم الكافيتريا
وانهالو عليا بقاموس شتيمة
اصحابي بقى وبيدلعوني
يا ندلة تخدي 55 جنية ومنعرفش
والله كنت هقولكوا بس مش شفتكوا والله
هبة: مش هتقومي غير ماتعزمينا كلنا دلوقي
انا: والله لسة ما اخدت الفلوس هخدها يوم السبت
هبة: ملناش دعوة
سمر ا: ماليش دعوة لازم تعزمينا احنا اية يضمنا ان احنا هنشوفك تاني
ايدي: ملعش يا لولو انا اول مرة اتجرا واقول لحد اعزمني
انا:اه انتوا كلكم عليا.........ماشي امري لله بس اجاين في اليوم الي مفلسة فية معايا 20 جنيةو تقريبا باقي عشرة جنية كمان استنوا بقى اما حاسب على اكلي واروح اجيب الكتاب وادفع عليه 3 جنية
يعني تطلبوا حاجة ساقعة بس فاهمين
هبة: على فكرة كتاب البرامج الاخبارية نزل واستلامة ب5 جنية
انا: واالله حرام كل اما اروح اخد كتاب ادفع علية فلوس مش بكفاية كل كتاب باد كدة
هبة: هنعمل اية هاتي 5 جنية يلا اما اجيبهولك
انا:ميرسي يا بوبة ربنا يخليكي ليا خدي 20 جنية اهية وهاتي الباقي
هبة:ههههههههههههه على فكرة الكتاب منزلش خدي يا سمر ال20 جنية اطلبلنا سندوتشات
انا: ااااااااااااه لاءءءءءءءءءءءءءا حرامم عليكم حروح باية
سمرا: هنديكي جنية تروحي بية
انا: ماشي منا ماليش اغلى منكم اعزمه
سمرا :بسمة انتي مطلبتيش حاجة
بسمة: لاء انا كلت خلاص
سمرا: لاء اطلبي
بسمة : يا بنتي: لاء
سمرا :عايدة هاتي كانز لبسمة
انا: انتي بتدفعي من جيبك بس انا والله فرحانة
سمرع: والله انا حاسة بيكي
ايناس : معلش تعيشى وتخدي غيرها
انا: يا معفنين انا مليش اغلى منكم متقلوش كدة
سمرا:ايناس هتيلك حاجة انتي وسمر
ايناس وسمر: ما احنا كلنا
سمرا: لا هاتو تاني هاتوا شوكلاتة وعصير يلا
مش عارفة كأن سمر هي اللي عزماهم مش انا
بس كان يوم جميل اووووووي كنت مبسوطة جدا اليوم ده هون عليا حاجات كتير كنت نازلة الكلية زعلانة بس اصحابي خلوني اروح فرحانة اوي وكنت مفكرة هروح مفلسة لاقيت معايا فلوس كفاية بس حتى لوكنت روحت وانا مش معايا ولا مليم كنت هفضل مبسوطة
بحبكوا اوي يا يا عيال والله
وكان نفسي تكوني معانا يا ايمان في اليوم ده
33 comments:
:D :D :D
يا خراشى يا خراشى على الفاضيح ده اخره اللى يقعد مع اطفال زيكم
ناخد منك ملاليم تشردينا كده :)
بس عن جد كان يوم لذيذ ويارب يكتر فلوسك وابحاثك يا لولا
صديقتي الجميلة بوسي
انتو لسة شفتوا حاجة
الباقية تاتي يا صديقتي
وبعدين دي مش فضايح بالنسبة لليوم الي روجنا اكلنا في بيتزا هت
اصبروا عليا بس اخلص امتحانات
وهريكوا الفضايح الي على اصولها
بس تعرفي كانت ايام جميلة
ويارب يكتر ايامنا الحلوة دايما
ونكون ديما مع بعض
ونتخرج بتقدير محترم كدة
ونروح نعيش في القاهرة ونشتغل ونصرف على نفسنا
بجد هيبقى احساس تحفة
او لو مشتغلناش نكمل دراستان في اعلام القاهرة
الف مبرك يا ستي علي ال55 جنية
وحطيهم بقي في البنك مبلغ زي دة مينفعش تمشي بيه كدا في الشارع لانه في الطمع وومكن يتسرق منك
ههههههههههههههه
بوست جميل
Dr-Online
الله يبارك فيك
عندك حق هما فعلا مطمع
هههههههههههه
بس والله كنت فراحانة ان البحث فاز
مش فرحانة بالفلوس
وبعدين الفلوس دي كانت بالنسبالي تخليص حق من الكلية
اصلهم مدونيش مكافاءة الثانوية العامة
مونى..بوسى..سمر..سمرا..إيناس..أيدى..
بوبة..بالأضافة الى صاحبة المدونة لولا
علاقتكم ببعض بتدي لليقرا عنها حاجة جميلة غايبة عن ناس كتير..معانى بيضا وطيبة ناس بتدور عليها في حياتها ومش لاقينها..أنت هنا بتقدميها بكل بساطة
شكراً يا لولا ع البوست الجميل ده وشكرا على زيارتك لمدونتنا
محمد عبد القوي
أحد أعضاء فرقة طريق للفنون المسرحية
محمد عبد القوي
ميرسي على زيارتك لمدونتي المتواضعة
واتنمي ليك ولفريقك دوام النجاح والتوفيق
السلام عليكم
ربنا يكرمكم ببعض
ويخليكم دايما مع بعض
****
كتاب برامج اخبارية
اممممم
انتى اعلام القاهرة ؟؟
********
كل سنة وانتى طيبة
عيد سعيد:))
سلاماتي
اوك يا ست لولا بجد لولا احاحك عليا ان انا لازم اكتب تعليق ولو مكتبتش هتعليقنى فى المروحة مليش دعوة انا بقول الكلام الى انتى قلتيهولى وبعدين اسيحلك شوية بعد الفضايح الى انتى عملتيهالنا فى المدونة بس البوست زى العسل انا طول ماكنت بقراة وانا عمالة اضحك وبعدين مين الى فايق دة وعمال يدقق فى الكلام ولاحظ كتاب البرامج الاخبارية وقال انك فى اعلا قوليلة يرحم نفسة شوية وبالمناسبة كــــــل سنـــــة وانتــى طيبــــة دودو
مش قادرة
مرسي لمرورك
وانا بدرس اعلام بس في اداب المنصورة
ومتزعليش من كلام دودا دي ايدي صاحبتي
معلشي ها
اوك يا ست لولا بجد لولا احاحك عليا ان انا لازم اكتب تعليق ولو مكتبتش هتعليقنى فى المروحة مليش دعوة انا بقول الكلام الى انتى قلتيهولى وبعدين اسيحلك شوية بعد الفضايح الى انتى عملتيهالنا فى المدونة بس البوست زى العسل انا طول ماكنت بقراة وانا عمالة اضحك وبعدين مين الى فايق دة وعمال يدقق فى الكلام ولاحظ كتاب البرامج الاخبارية وقال انك فى اعلا قوليلة يرحم نفسة شوية وبالمناسبة كــــــل سنـــــة وانتــى طيبــــة دودو
doda
شكلك هتموتي وتتعلقي في المروحة
اما اشوفك يا ست ايدي
رايحة تخلي باباكي ومامتك يقروا البوست
كنتي لمي جرانكم في الشارع بالمرة
وبعدين دي مش فضايح الباقية تاتي
وبعدين ماتتريقيش على اي كومنت بعد كدة
عشان ممنعش عنك المصروف فاهمة يا دود
وخليكي رقيقة زي ما علمتك
فاهمة يا كوكو
يلا يا حبيتي روحي بقى اشربي البلن واغسلس سنانك ونامي
ومش عاوزة اشوف وشك غير يوم الامتحان
نتقابل في مدرج 21 اول الشهر ان شاء الله
وسلميلي على البرامج الاخبارية والاذاعة المحلية والاعلام الدولى
وباقي متسلميش عليهم لاني مش طيقاهم
بت نسيت دا العيد جاي هتعاطف واكلمك واقول كل سنة وانتي طيبة
يا دودي ومتاكليش لحمة كتير عشان الديت
الف مبروك على الجائزه وكل عام وانت بخير
ولاء
الله يبارك فيكي
وكل سنة وانتي طيبة
وعيد سعيد عليكي
لولا
عارفه الاصحاب الي زي دول بيتقال عليهم ايه
الاصحاب الي يجيبو لورا
ومعرفتهم خساره
ههههههههههههههههههه
بس بجد احلي خساره
ربنا يجمعكم دايما
وتفضلو مع بعض ع طول يا جميله
ويارب مفيش واحده فيهم تقاطعني عشان الكلمتين دول بس القافيه حكمت بقي
وتقريبا الجايزه دي جت في وقتها عشان هدوم العيد بس حاسبي عليهم
كل سنه وانتي طيبه
و(بست وشز فور يو)0
نوري
ميرسي على مرورك
وهما معرفتهم مش خسارة ولا حاجة
دول اجمل هدية من ربنا
ربنا يخليهم ليا
وكل سنة وانتي طيبة يا جميلة
وعيد سعيد عليكي يارب
Nice blog. I will keep reading. Please take the time to visit my blog & HAPPY A NEW YEAR
انتى جميله اوى :)
نور العظماء
ميرسي يا نور
ومنور المدونة
كل سنه وانتي طيبه
بس يعني لما هو فايض معاكي فلوس مش كنتي حطيتي مع البوست سندوتشين علشان اللي يدخل يفطر حاجه خفيفه او حتى حاجه ساقعه
مش تاكلي انتي وصحابك واحنا نقعد نمصمص شفايفنا يعني
ما علينا
كل سنه وانتي طيبه
سلاااااااااااااااااام
عزيزتى
بروك على ال55جنيها بالتاكيد حسيتى ان مجهودك كان مفيد وليه معنى
اما التدبيسة بتاعت صحابك دى جميله لانها بحب ومحبة لاكن خدى بالك مش كل تدبيسة عن حب ومحبة
كل عيد وانتى بخير يارب وسنه سعيدة عليكى وعلى سنينك الجية يا رب
سلام يا سكر
الشنكوتي الكبير
اهلا بيك وكل سنة وانت طيب
وان شاء الله المرة الجاية حط سندوتشات كتير مش بس اتنين
ولا تزعل نفسك
احساس برضة حي
ميرسي يا حسام
ودي احلى تدبيسة في حياتي لان اصحابي هما غالين عندي اوي
وكل سنة وانت طيب ويارب تكون سنة سعيدة عليك
ههههههه بجد حوار لذيذ اوى ومبروك الدعم قصدى الجايزة انا عجبتنى اوى الحتة بتاعة هو دعم ده ولا ايه هههه
مبروك وبالتوفيق دائما
ودمتى بخير
تيحاتى
احمد الصباغ
ميرسي يا احمد هههه عندك حق قال دعم قال الكليه على اخر الزمن هتدينا دعم ههههههه
البلوج لذيذ اوي
احيكي عليكي
مع تحياتي
سمسم
s-g-s
ميرسي
انتى كلامك جميل لكن فى فضايح يعنى كده كل الناس بصت ليكى فى ال 55 جنيه اللى أخدتيهم وبعدين صاحباتك دول الله وأكبر عليهم
رم انى انا فى الكليه لكن سبحان الله عمرى مش نزلت الكافتريا خصوصا انك عارفه انها جنب باب الدخول لكن بفضل آكل كشرى من عند كشرى الخديوى
لكن حبيبة قلبى مش هسيبك الا لما آخد عزومتى
تحيـــــــاتى
المصـــــــــرى
صادفت تدوينتك ههههههه فكرتنى يوم ما فزت بجايزة أنا كمان
بس كانت أزيد من جايزتك كانت 60 جنيه عن قصيدة قدمتها فى مسابقة تبع إدارة الجامعة.
فكرت فى الأول إنى أعزم أصحابى كلهم بس للأسف غابوا يومها.
ببساطة خرجت من باب إدارة الجامعة على مكتبة الأهرام إشتريت مجموعة كتب بينى وبينك قلت كويس انهم غابوا وفرحت جدا إنى إشتريت الكتب اللى كنت عاوزاها وكان فيهم كتاب آخر نسخة موجودة .
بس تانى يوم دبسونى فى عزومة بعد مادلعونى زى أصحابك مابيدلعوكى.
أتمنى لك أيام جميلة وسعادة تدوم مع أصدقائك.
خالص تحياتى؛
عبد الله
هههههههههههههههههه
ههههههههههههههههه
تصور لسه شايفه الكومنت بتاعك ده دلوقتى
الله يرحم ال 55 جنيه ويرحم ايامهم
وبعدين كافتريا الكليه فيها مكان يتقعد فيه
احنا بنعد في كافيه للبنات بس عشان مبنكشفش على رجاله
:))
مذكرات كشكول المورق
هههههههههههههههههههه
معلش تعيش وتاخد غيرها
اصلا احلى حاجه في الدنيا انك تلاقى اصدقاء بجد ساعتها ممكن هتلاقى نفسك بتعمل اى حاجه عشانهم
في من الصاحب خذلني بعد ماودرني
وفي من جبرني جبر كيف زمان
وفي من جلب سكين بينحرني
وفي من جلب الطب والدويان
وفي من ضحكلي ضحك ماعبرني
وفي من بكا بكيت تريس حنان
وكانك علي الصاحب تبي تسألني
تعالي معايا وعندنا ديوان
في من الصاحب ذهب في تصريفا وساعة الندهة يكون في الميدان
وفي من الصاحب كيف نار الليفه كبرا كبيره وعقبها نيران
وفي من الصاحب بالرخيص يبيعك بيعت إمفلس ماسكه دكان
وهذاي قولي وياعرب اصغولي ومازلت نرجع لإيام زمان
أيام الرفيق ايبيع جرد الحولي علي صاحبه ويموت في الميدان
ونخلو الوصيه للأولاد ضروي ماترفعوش العين مهمن كان
Post a Comment