في حاجة مغيراكي مسهراكي وربكاكي وملخبطاكيفي حاجه صدقيني انا حساكي
في حاجة لو تفضفضي ومن على قلبك تشيليها
هترتاحي
في حاجة جواكي صدقيني انا حساكي
متقوليش مفيش ومتضحكيش
عشان متبينيش
احكيلي مالك ايه الي شاغل بالك
لو كان اللي في بالي هو اللي ف بالك
ليه متقوليش مالك
ليه بداري عنى حالك
هو احنا مش اصحاب
ولا ايه الي جرالك
ليه ديما بحكيلك
وانتي بتخبي عنى مالك
صدقيني هترتاحي
لما تحكي ايه الي غير حالك
ليه خايفه تحكي
مش هغصب عليكي تقولي مالك
واوعي تقولي مفيش حاجه في بالك
عشان انا حاسه بيكي
حاسه بحاجه جواكي خنقاكي
صدقيني انا حساكي
لو مهما تخبي
انا حساكى
*****************
كلام مش متربت ولا متظبط كتبته ياريت تقريه اناعارفه ومتاكده ان احساسي صح وعمره ما بيكدب عليا
عارفه انتى فكرتيني بنفسي قبل ما قابلكم كنت اضحك وممبينش لحد انى زعلانه ابدا لكن لما عرفتكم بقينا نفرح سوا ونعيط سوا الا انتى كنتى ديما تبيني انك فرحانه وتضحكي وتهزري وببقى حاسه ان جواكي هم كبير اوي
يارب تبقى كويسه يا صديقتي العزيزة0000000000000
28 comments:
جميله قوي قوي الكلمات
بس ارد واقولك ايه
ليه اتكلم باللي تعبني
عارفه انا قلبك هيخاف عليا
ليه لو جرحي يوم يالمني
اجرح قلبك برده عليه
ليه بالخوف املى عيونك
انا جواهم بنسى همومي
مش عايزه املاهم بمشاكلي
علشان فيهم انس الدنيا
ولم اشوفهم تبقى الدنيا وفيه وحلوه
لما اتكلم انا وياكي
ليه احكيلك على اللي قتلني
ليه عايزاني جروحي ارسمها جوه ملامحك
انا وياكي بحس الدنيا ضحكه وفرحه وقعده هنيه
ليه عايزاني يوم ما اقابلك ابكي في حضنك واحكي مشالي
خلي حياتي معاكي سعاده
خلهيا الفانتازيا بتاعتي
انسى همومي
ارمي هدومي
اخلع عني فكري وعقلي
خلي جنوني هو دليلي
اما نصايحك ليا هاخدها من غير ما احكي او حتى اشكي
اصل كلامك افتكاساتك هي دليلي في كل مشاكلي
دي على لسان صاحبتك اللي انتي عارفه انها تعبانه ومش عايزه تقولك
سلاااااااااااااااااااااام
بصراحة وانتى عارفة طبعا الصراحة
انا مش عارفة ارد عليكى واقولك اية
بس ممكن تكون صاحبتك دى مفيش عندها اصلا حاجة تقولها لانها ممكن تكون مش بتعرف تحكى حاجات معينة مهما ان كان اصحاب بقا والا مش اصحاب
الناس طباعها بتختلف وبتتفاوت من انسان للتانى
ومش معنى انها محكيتش ومقالتش تبقى مش بتحبك
عادى يعنى
هو فى حاجه من الاتنين أما انه عندها حاجه ممكن تقولها \او مافيش حاجه تقولها من الاساس
بس الاكيد ان فى تغيير فى تصرفتها وتعبرتها خلاك تحسى انه فى حاجه جواها
عموما مشاعرك جميله لأنك مهتمه بأنك تعرفى اللى جوه صحبتك وعايزه تخرجيها من المود اللى هيه فيه
مدام ليها صاحبه زيك يبقى ماتقلقيش عليها
:)
احساس جميل قوي منك :)
دورك كصاحبه انك تعرفى اللى فيها وتساعديها وكمان تنصحيها
وسؤالى انا بقى انتى فين من زمان ؟
الشنكوتى الكبير
كلامك جميل اوى
بس انا عوزها تتكلم
وميهمهاش انا مش هتعب من مشاكلها
عشان احنا اصحاب والاصحاب ان مكنوش يشاركوا بعض حزنهم وفرحهم بيبقوش اصحاب
دوده
يا دوده الصراحه وانتى عارفه الصراحه
انا بحبها اوى وعارفه انها بتحبنى
بس هي دمغها نشفه صعيديه
الصراحة وانتى عارفه الصراحه
هي هتجبلي الضغط قريب
والصراحه انها وعدتنى اول ما نرجع الكليه هتشيل اللزقه الي على بقوها وتتكلم
اما اشوف اخرتها ايه معاها
وعد العيون
انا وراها ورها مش فضول والله انا اصلا احساسي مش بيكدب عليا وعارفه ومتاكده كويس
بس عوزاها تتكلم ومتفضلش منغلقه على نفسها كده
طول الوقت
ورزا
ربنا يخليكى
بس بدات اقلق على نفسي منها
ممكن بعد البوست ولما نرجع الكليه انضرب علقه
ادعولى ربنا يستر
جمهورية مصر العربيه
منورنى
انا موجوده اهو
وان شاء الله المشكله هتتحل
بجد شعور جميل جداً
بس للأسف انا نفسى ساعات بعمل كده بس ده لما بيكون حد مش قريب منى اوى
ربنا يخليكوا لبعض :)
جميل احساسك يا لولا....نغم التواصل بينك وبين صحبتك واصل اوي بين السطور والحروف....والنص جميل ومترتب رغم انه مش مترتب
تحياتي
غراب وحمامه
اهلا بيك في مدونتى
بس انا واصحابي قريبين من بعض اوى بس
وعشان كده مستغربه لحالها
ايمن الجندى
اهلا بيك
والله انا كنت بكتبه وانا عارفه انه مش مترتب مجرد احساس حسيته انها فيها حاجه متغيره
إحساس جميييييل يا لولا، ألا إنتي لسـه ف كي جي تو صحافة، ولا كبرتي حبـــة !!
.
.
.
تحيااااااتي
ابرهيم
ههههههههههههههه
اه لسه في كي جى تو
نفسي اكبر ربنا يسهل
دي اول مره ازور فيها مدونتكم
بجد تحفه تحفه تحفه
حاسس بدفء الصداقه لما عشت مع الصفحه شويه
ممكن اجي كتير؟؟؟؟؟..كتير اوي؟؟؟؟
تحياتي
سعودي
محمد سعودى
ميرسي وميرسي لزيارتك وان شاء الله مش تكون الاخيره
واهلا بيك طبعا
في المدونه
لولتيى
هى صاحبتك ده انا اعرفها ولا حاجه مش عارفه حاسه كده انى اعرفه يا خوفى يا بدران تطلع اللى فى دماغى
بت واحشانى موت جاتك نيله ربنا يخليكى لينا ويوطى صوتك العالى اللى عملنا فضايح شويه
بسوبوستى
مووووووووواه
وانتى كمان وحشانى مووووت
بقالنا يوم ويوم يعنى يومين مشفناش بعض بس برده وحشانى مووووووت
حاضر هتكتم خالص
عزيزتى
لولا
ايه الكلام الجامد ده
دى مكتوب لصديقه ولا لحبيب
المشاعر دى كلها نحيت الصديقه والصداقه
امالو حبيتى هتعملى ايه وهتشعرى بايه
يا بخت من يصدقك
ويا بخت من تحبيه
فمشاعرك جميلة واحساسك رائع
تحياتى
سلام
بجد كلام جميل وكمان مترتب وحلو قوى بجد فكره حلوه قوى فكرة مدونة انا وصحابى دى.. عقبالى اما الاقى حد من القسم ده اعرفه الأول لانى مش عارف اى حد فى القسم ده
تحيـــاتى
المصــــــرى
هو ده احساسي
ميرسي لزيارتك
وكلامك
المصري
ان شاء الله تلاقي اصدقاء كويسين
يابنى لسه القسم بخير متقلقش خالص هتلاقي شكلك كده لسه في سنه اولى مدام بتقول مش عارف حد
ان شاء الله تعرف ناس كويسه
مش معقول هدخل القسم ومنطلعش منه بحاجه
ههههههههههههه
المصري
ان شاء الله تلاقي اصدقاء كويسين
يابنى لسه القسم بخير متقلقش خالص هتلاقي شكلك كده لسه في سنه اولى مدام بتقول مش عارف حد
ان شاء الله تعرف ناس كويسه
مش معقول هدخل القسم ومنطلعش منه بحاجه
ههههههههههههه
انا بقالى فى أعلام 4 سنين لكن فى سنه تانيه لأنى باخد كل سنه فى سنتين وفى جامعه مختلفه يعنى السنه الجايه قررت أكون فى الزقازيق وكنت قبل كده فى عين شمس
جامده اوي يا لبنى
فعلا طالعه من احساسك وحاسها بكل كلمه بتقوليها
رومانسيه واحساس مش موجود غير قليل اوي الايام دي
ومرسي لكلام الي كتبتيه عن اول اغنهي كتبتها
nice blog
visit
http://www.tvosz.com
it's cool website
FUN, CLEAR, and REAL
just becoming a Member
thanks
Post a Comment