بجد الكليه من غيركم وحشه اوى المدرج بقى وحش اوى برغم ان شكله بقى جديد بس عشان انتوا مش فيه المحاضرة بقت تخلص بطلوع الروح وحشتنى قعدتنا سوى مع بعض في الكافيه الى مبقتش اروحه عشان مش معاكم وحشنى كلامنا اوى وضحكنا وهزرنا وغلاستنا على بعض وحشتينى اوى يا بسمة بالرغم انى بشوفك في الكورس وحشتينى اوى يا ايمان وانتى يا انوسه وحشتينى اوى يا سمروانتى ياهبه مبقتيش تزلى الكليه انتى ولاسمر بجد انتوا وحشتونى اوى حاسه انى مفتقداكم اوىىىىىىىىى
نفسي نرجع تانى زى الاول نفسي نلعب ونهزر مع بعض اليوم الوحيد الى مفروض في محاضرة مشتركه مابينا مش بتيجوا فيه مش عارفه انتوا حبيتوا قاعده البيت كده ليه انتوا مكنتوش كده
انا مش عارفه بكتب الكلام ده ليه بس حاسه انى عاوزة اشوفكم اوىىىىىىىىىى
عاوزة اقولكم اخر اخباري واعرف اخر اخباركم وحشتنى اوى قعدتنا عند علوم وحشنى اوى اللف على المحلات
والوقوف عند عمو بتاع الجرايد الى على اول شارع الكليه نشترى الجرايد والكتب مفيش غيرىانا وعايده الى بنحضر المحاضرات حتى عايده كمان مش بتيجى على طول انا بجد زهقت اوى
صحيح في ليا زمايل كتير يعرفونى وبيكلموا معايا بس انتوا مش بس زمايلى انتوا اصحابي واخواتى بجد
انا بجد مفتقادكم جدا يارب اشوفكم قريب بقى
